సుదూర గ్రామీణ ప్రాంతాల్లో ఉన్న ఆరోగ్య కేంద్రాలను ఉపగ్రహ నెట్వర్కింగ్ ద్వారా పట్టణాల్లోని సూపర్ స్పెషాలిటీ ఆసుపత్రులతో అనుసంధానం చేసిఅందించే టెలీ కన్సల్టేషన్, చికిత్స సేవలను టెలీ మెడిసిన్ అంటారు. దేశంలో గ్రామీణ-పట్టణ ప్రాంతాల మధ్య ఉన్న ఆరోగ్య అంతరాన్ని తగ్గించే ఉద్దేశంతో ఇస్రో తొలిసారిగా 2001లో టెలీ మెడిసిన్ పెలైట్ ప్రాజెక్టును ప్రారంభించింది. ఇన్శాట్ ఉపగ్రహాల సాయంతో టెలీ మెడిసిన్ సేవలు దేశంలో క్రమంగా విస్తరిస్తున్నాయి. ఇస్రో నాలుగు రకాల టెలీ మెడిసిన్ సేవలను అందిస్తోంది. అవి..
| ||||||||||||||||||
ప్రస్తుతం 306 గ్రామీణ ఆరోగ్య కేంద్రాల్లో ఇస్రో టెలీ మెడిసిన్ సేవలు అందుబాటులో ఉన్నాయి. వీటిని 16 మొబైల్ టెలీ మెడిసిన్ యూనిట్స్, 60 సూపర్ స్పెషాలిటీ ఆసుపత్రులకు అనుసంధానించారు. జమ్మూకశ్మీర్, అండమాన్ నికోబార్ దీవులు, లక్ష దీవులు, ఈశాన్య రాష్ట్రాలు వంటి ప్రాంతాల్లో సైతం టెలీ మెడిసిన్ సేవలు అందుబాటులోకి వచ్చాయి. కర్ణాటక, కేరళ, రాజస్థాన్, మహారాష్ట్ర, ఒడిశా, ఛత్తీస్గఢ్లలో రాష్ట్రస్థాయి టెలీ మెడిసిన్ నెట్వర్క్లను ఏర్పాటు చేశారు. ఏటా సుమారు లక్షన్నర మంది టె లీమెడిసిన్ సేవల ద్వారా లబ్ధి పొందుతున్నారు. ఆస్ట్రోశాట్ విశ్వ రహస్యాలను ఛేదించే లక్ష్యంతో ఇస్రో ఆస్ట్రోశాట్ను రూపొందించి ప్రయోగించింది. 2015 సెప్టెంబర్ 28న పీఎస్ఎల్వీ - సీ 30 ద్వారా దీన్ని ప్రయోగించారు. ఆస్ట్రోశాట్ లిఫ్ట్ ఆఫ్ బరువు 1513 కిలోలు. 650 కి.మీ కక్ష్యలోకి పీఎస్ఎల్వీ-సీ30 దీన్ని ప్రయోగించింది. ఇది మల్టీ వేవ్లెంత్ (బహుళ తరంగదైర్ఘ్య) ఉపగ్రహం. ఆప్టికల్, అతినీలలోహిత, ఎక్స్ కిరణాల వంటి కిరణాల తరంగదైర్ఘ్యంతో ఇది విశ్వాన్ని అధ్యయనం చే స్తుంది. ప్రధాన లక్ష్యాలు
పేలోడ్లు ఆస్ట్రోశాట్ ఉపగ్రహంలో మొత్తం 5 పేలోడ్లు ఉన్నాయి. అవి...
కార్టోశాట్ ఇస్రో ప్రత్యేకంగా పూర్తి దేశీయ పరిజ్ఞానంతో రూపొందించిన భూ పరిశీలన ఉపగ్రహం.. కార్టోశాట్. ఇప్పటి వరకు 5 కార్టోశాట్ ఉపగ్రహాలను ఇస్రో ప్రయోగించింది. భారత అంతరిక్ష కార్యక్రమాల్లోని రిమోట్ సెన్సింగ్ వ్యవస్థ (ఐఆర్ఎస్) లో భాగంగా కార్టోశాట్ శ్రేణి ఉపగ్రహాలను ఇస్రో అభివృద్ధి చేసింది.
ఈ ఉపగ్రహాలను ప్రధానంగా కార్టోగ్రఫీ అనువర్తనాలను విస్తరించేందుకు ఉద్దేశించారు. భారీ స్థాయి భూ ఉపరితల పటాలను రూపొందించడం, గ్రామీణ పట్టణ ప్రాంతాల్లో మౌలికసదుపాయాల అభివృద్ధికి ఈ ఉపగ్రహాలు తోడ్పడతాయి. ముఖ్య ఉపయోగాలు
బ్యాండ్విడ్త్ - ట్రాన్స్పాండర్ల ఉపయోగాలుఉపగ్రహ కమ్యూనికేషన్లో సమాచార ప్రసారానికి ఉపయోగించే ఒక అప్లింక్, డౌన్లింక్ పౌన:పున్యాల కలయిక బ్యాండ్విడ్త్. గ్రౌండ్ స్టేషన్ నుంచి అంతరిక్ష కక్ష్యలోని ఉపగ్రహానికి సమాచారాన్ని ప్రసారం చేసే పౌన:పున్యం.. అప్ లింక్. ఉపగ్రహం నుంచి తిరిగి భూమిపై ఉన్న ఎర్త్ స్టేషన్కి సమాచారాన్ని ప్రసారం చేసే పౌన:పున్యం.. డౌన్లింక్. సమాచారాన్ని ప్రసారం చేసే అప్లింక్, డౌన్లింక్ పౌన:పున్యాలు వేరుగా ఉంటాయి. ఈ రకమైన సమాచార ప్రసారాన్ని నిర్వహించేందుకు కమ్యూనికేషన్ ఉపగ్రహాల్లో ఉన్న ప్రత్యేక ఎలక్ట్రానిక్ పరికరాలు ట్రాన్స్పాండర్లు. రిసీవర్, మాడ్యులేటర్, ట్రాన్స్మిటర్ల కలయిక ట్రాన్స్పాండర్. ఇది అప్లింకింగ్ ద్వారా సమాచారాన్ని సేకరించి, మాడ్యులేషన్ ద్వారా కొద్దిగా మార్చి, డౌన్లింకింగ్ ద్వారా భూమికి ప్రసారం చేస్తుంది. జెనీవాలోని ఇంటర్నేషనల్ టెలీకమ్యూనికేషన్ యూనియన్.. పౌర సేవలకు సంబంధించి దేశాలకు బ్యాండ్విడ్త్లను కేటాయిస్తుంది. ఇస్రో నిర్వహిస్తున్న వివిధ బ్యాండ్విడ్త్లు/ట్రాన్స్పాండర్లు
|
0 comments:
Post a Comment